За кој вкус сте повеќе – за таратур или ѕаѕики? Кој е вашиот рецепт? Пишете ни коментар под статијата, па да размениме мислења и вкусни рецепти 🙂
А, ние, во меѓувреме, ви презентираме еден врвен рецепт на Шеф Никола Мишковски од ресторан Камник, подготвен за време на часовите по готвење во рамки на проектот Кулинари.
Состојки за 1 порција:
- 400 мл кисело млеко
- 100 гр краставици
- 1 чешне лук
- 2 гранчиња копар
- 30 мл масло за јадење
- сол и бибер по вкус
За подготовка на ова јадење потребно ви е длабок сад за мешање на салатата, длабока чинија за сервирање и лажица.
Начин на подготовка:
- Претходно измиената краставица не ја лупите, само ја сечкате на мали коцкички. Лукот и едно гранче од копарот ситно го сечкате.
- Во длабок сад го додавате киселото млеко, ги додавате и краставичките лукот, копарот, маслото за јадење, зачинувате со сол и бибер по вкус и промешувате. Не мешајте премногу за да не ја изгуби структурата киселото млеко и да стане течно.
- Сервирајте во длабока чинија, а декорирајте со гранче копар.
Добар апетит!
Повеќе информации за часовите за готвење во рамките на проектот кој го спроведува Здружението за социјални иновации „АРНО“ прочитајте тука: https://gotvi.mk/2016/04/28/naucete-da-gotvite-so-profesionalni-gotvaci/. За начинот на пријавување на часовите по готвење кои се одржуваат во средното училиште за угостителство и туризам „Лазар Танев“ повеќе детали прочитајте тука: https://www.facebook.com/coolinari.mk/
Прочитај поврзани Gotvi.mk вести:
Салата со брокула која ќе ја правите секој ден