Одличен специјалитет на Тоше кој е комбинација од пица лепче и неодолива плескавица со млад кајмак.
Потребни состојки за тесто за пица лепче:
- 300 гр пченично брашно
- 1 пакување квасец во прав
- 1 лажица шеќер
- 1 лажица сол
- 1 лажица масло за готвење
- 200 мл млака вода
Начин на подготовка:
- Брашното измешајте го со сувиот квасец, потоа додадете ги и другите состојки и со миксер изматете се додека да добиете тесто.
- Тестото покријте го и оставете го на топло место да стасува околу 45 минути.
- Попрскајте го тестото со брашно и замесете. Оформете тесто со вдлабнатина.
Состојки за плескавица:
- 200 гр мелено месо
- 2 главици кромид
- зачини (бибер, буковец, оригано, магдонос)
- 2 лажици презла
- масло за готвење
Начин на готвење:
- Кромидот исечкајте го на ситни парчиња, додадете го иситнетиот магдонос, презлата, маслото и сите останати зачини.
- Оваа мешавина додадете ја на меленото месо и убаво замесете смеса. Оставете ја смесата во фрижидер да отстои неколку часа.
- Потоа оформете ја плескавицата и ставете ја да се пржи на тивок оган.
- Во оформеното пица тесто ставете ја плескавицата, премачкајте ја со кајмак и оставете ја да се пече на температура од 180 степени додека да се испече тестото.
- На крај сервирајте со гарнир од зеленчук, а препорака на Тоше е тоа да биде компир или варена брокула и морков.
На здравје!
Прочитај поврзани Gotvi.mk рецепти:
Мусака со карфиол и мисиркино месо
Селско месо по едноставен рецепт
ВИДЕО рецепт: Ќофтиња на шведски начин