Чоко палачинки со крем од ванила и јагоди

Чоко палачинки со крем од ванила и јагоди

Верувајте никој не може да им одолее. Десерт с вкус кој никогаш нема да го заборавите. А, одлични се за сервирање бидејќи имаат интересна боја и многу добро изгледаат. Прочитајте го рецептот на Билјана.

Состојки за тесто:

  • 250 гр брашно
  • 2 јајца
  • 400 мл млеко
  • 2 лажици какао
  • 2 лажици шеќер
  • 1 лажица масло за јадење или путер

Состојки за фил:

  • 1 пудинг од ванила
  • 500 мл млеко
  • 500 гр јагоди
  • 50 гр чоколадо

Чоко палачинки со ванила и јагода 2

Начин на готвење:

  1. Во сад за матење со миксер пенасто ги матиме јајцата. Ги додаваме млекото и брашното, а продолжуваме со матење за да не се формираат грутчиња.
  2. Ги додаваме шеќерот, какаото и маслото за јадење. Матиме додека да добиеме мазна смеса. Смесата ја оставаме околу 10 минути да отстои.
  3. Во меѓувреме го вариме пудингот од ванила заедно со млекото според упатството на кесичката. Пудингот го оставаме убаво да се олади.
  4. Палачинките ги пржиме на тивок оган во тавче со малку масло за готвење. Од оваа смеса ќе добиете 10 – 15 палачинки.
  5. Откако сите палачинки ќе бидат готови, ги филуваме со пудингот од ванила и јагодите кои претходно сме ги исечкале на тркалца. Ги редиме на чинија за сервирање и ги прелеваме со претходно растопеното чоколадо на оган.

На здравје!

Прочитај поврзани Gotvi.mk рецепти:

Топ 10 Gotvi.mk рецепти со палачинки

Рецепт за палачинки кои можете да ги јадете неограничено

За сите гурмани – Палачинки кватро салами

Посно: Палачинки без зејтин

Американски палачинки по врвен, а едноставен рецепт

Неодоливо вкусна: Домашна торта со јагоди

Овошен колач со јагоди