Топлите кифлички секогаш го собираат целото семејство дома. Еве како да ги приготвите:
Состојки:
- 1 кг Екстра бело брашно тип 400 од Жито Лукс
- 1 квасец
- 250 мл млеко
- 2 лажичиња сол
- 2 лажичиња шеќер
- 100 гр путер
- сусам
- млака вода по потреба
Начин на подготовка:
- Во сад го ставаме квасецот со шеќерот и млакото млеко за да надојде.
- Во посебен сад ги ставаме брашното и солта и кога квасецот ќе се активира го додаваме во садот со брашното. Замесуваме меко тесто. Доколку е потребно за да стане тестото меко во месењето додаваме малку млака вода.
- Убаво изработеното тесто го оставаме на топло за да нарасне.
- Во меѓувреме тавата за печење ја премачкуваме со путер.
- Кога тестото ќе биде готово од него формираме мали топчиња, секое топче го расукуваме и го виткаме за да формираме кифличка.
- Кифличките ги редиме на тавата за печење. На секоја кифла наросуваме сусам и ставаме по едно парче путер. Вака приготвените кифлички ги оставаме уште половина час да нараснат.
- Печеме на температура од 180 степени околу 40 минути.
На здравје!
