Овој рецепт ќе ги воодушеви сите и поради вкусот на мафините, но и со нивниот беспрекорен изглед.
Состојки:
- 400 гр Екстра бело брашно тип 400 од Жито Лукс
- 2 јајца
- 125 мл масло за готвење
- 250 мл млеко
- 200 гр шеќер
- 3 супени лажици прашок за печиво
- 1 супена лажица сол
- 5 лажици какао во прав или 100 гр растопено чоколадо за готвење
- готов шлаг
- трошки во боја
Начин на подготовка:
- Во поголем сад ги матиме јајцата со миксер 1 минута. Потоа ги додаваме маслото и млекото и продолжуваме со матење. За кусо време го додаваме и шеќерот и продолжуваме со матење се додека не добиеме мазна смеса.
- Потоа ги додаваме брашното, прашокот за печиво и солта. Матиме уште 2-3 минути. Во смесата го додаваме какаото или чоколадото растопено на пареа.
- Смесата ја претураме во калапите за мафини во кои имаме ставено хартиени мали корпи.
- Печеме во претходно загреана рерна на температура од 180 степени помеѓу 20 и 25 минути.
- Откако ќе се оладат, секој мафин го декорираме со шлаг и трошки во боја.
Воодушевете ги гостите на вашата следна домашна прослава!
