Ќофтиња во доматен сос

Ќофтиња во доматен сос

За некого омилено јадење уште од градинка 🙂 Еве Gotvi.mk рецепт за да приготвите ќофтиња во доматен сос:

Состојки за ќофтињата:

  • 500 гр говедско или мешано мелено месо
  • 1 главица кромид
  • 1 парче леб
  • 1 јајце
  • магдонос
  • зачини по вкус
  • масло за готвење

Начин на готвење:

  1. Во подлабок сад го ставаме меленото месо во кое додаваме едно парче леб претходно натопено со вода и убаво исцедено, јајцето, кромидот исечкан на ситни коцки или пак изрендан, ситно сечканиот магдонос, зачините и малку масло за јадење.
  2. Смесата убаво се меси со рака и потоа од неа се формираат мали топчиња. Топчињата ги редиме на чинија, ги покриваме со фолија и оставаме во фрижидер половина час убаво да се стегнат и да се соединат сите состојки.
  3. Добиените ќофтиња ги пржиме на загреано масло и потоа ги вадиме на чинија.

Состојки за сосот:

  • 2 лажици брашно
  • 500 мл доматно пире
  • масло за јадење
  • половина китка магдонос
  • вода по потреба
  • зачини по вкус

Начин на готвење:

  1. Додека се пржат ќофтињата, во тава на оган го додаваме маслото да се загрее. На загреаното масло кратко го пропржуваме брашното.
  2. Потоа го додаваме доматното пире, водата и магдоносот.
  3. Вариме 20 минути повремено мешајќи. Кога сосот ќе почне да се згуснува во него ги додаваме ќофтињата.
  4. Динстаме уште 15 минути и потоа го тргаме јадењето од оган.
  5. Ќофтињата во сос од домати ги послужуваме со пире од компири.

Пријатен ручек!

Прочитајте поврзани рецепти:

Тоа е тој вкус – Мусака во земјена тава

Шарска плескавица

Домашни ќофтиња

Гурманска домашна плескавица

ВИДЕО рецепт: Ќофтиња од компири и туна

Ќофтиња од тиквица

Мусака со карфиол и мисиркино месо