Кога ќе дојде време за десерт, често ни се пријадува нешто ново и многу вкусно. Токму таков рецепт за домашни ледени коцки ни испраќа Сања.
Потребни состојки за пандишпан:
- 6 јајца
- 6 лажици шеќер
- 3 лажици какао
- 6 лажици брашно
- 1 лажица зејтин
- 1 прашок за пециво
Подготовка на пандишпанот: Јајцата се матат заедно со шеќерот, а се додаваат потоа и брашното, зејтинот, какаото и прашокот за пециво.
Се пече во правоаголна тава 30 мин на температура од 200 степени. Откако ќе се испече и олади се прелева со шербет (350 мл вода и 300 гр шеќер)
Потребни состојки за фил:
- 750 мл млеко
- 9 лажици шеќер
- 3 пудинга од ванила
- 1 маргарин
- 200 гр шеќер во прав
Подготовка на фил: 500 мл млеко се вари заедно со шеќерот, а во останатите 250 мл се раствора пудингот и се доддва во зовриеното млеко.
Се трга на страна да се олади. Маргаринот се изработува со шеќерот во прав и се додава во оладениот фил.
Оладениот пандишпан се филува со подготвениот фил.
Потребни состојки за глазура:
- 100 гр шеќер
- 3 лажици какао
- 6 лажици млеко
- 1лажица маргарин
- 2 лажици шеќер
- чоколадо
За подготовка на глазурата потребно е да се загрее млекото, да се додаде чоколадо по вкус, шеќерот, маргаринот и какаото. Сето тоа се меша и се нанесува врз филот.
Повеќе рецепти за вкусни десерти тука
Откако ќе се олади колачот се сече на коцки.
Десерт зготвен со многу љубов 🙂 На здравје!