Многу интересен и вкусен рецепт кој ни го испрати Ана. Одличен појадок или мезе кога ќе поканите гости. Се прави многу брзо 🙂 Еве како:
Состојки:
- вафли
- кашкавал
- кулен
- салата од урда
- мајонез
Начин на готвење:
- Најпрво направете го тестото за вафли и испечете ги. Искористете го овој рецепт само не ставајте шеќер во тестото. Или, купете готови вафли, па ќе добиете уште повеќе на време.
- Потоа направете ја салатата од урда. Се мешаат следните состојки додека не се направи во форма на крем салата: 18 лажици урда, 50 гр кашкавал исецкан ситни коцки, 2 лажички мајонез, една лажица слатка павлака и 2 ситно исецкани млади кромидчиња.
- Секоја вафла се поставува на чинија. Се премачкува со салатата, се редат кашкавалот и куленот, а врз куленот се става една мала лажичка мајонез. Ние употребивме кулен на Пекабеско и Дијамант мајонез.
- Врз ова се реди втора вафла и се сечат по формата на вафлата.
- Истата процедура се прави и со другите вафли.
Направете го овој специјалитет и сите ќе ви го бараат рецептот 🙂