Маестрално дело и по изглед и по вкус. Овој турски специјалитет можеме слободно да кажеме дека има посебен шмек и специфика кога се подготвува во нашата земја 🙂
Состојки:
- 600 гр мелено месо
- 30-40 листови лоза
- 1 шолја ориз
- 1 кромид
- црвен пипер
- зачини
- масло за готвење
Начин на готвење:
- Во тава за пржење загрејте масло за готвење и додадете го ситно исецканиот кромид да се пржи.
- Откако ќе се испржи, додајте го меленото месо кое е по ваш вкус – телешко, мешано или свинско.
- Зачинете и додајте ги црвениот пипер и оризот кој е претходно исчистен и измиен. Продолжете со пржење околу 10 минути.
- Листовите од лоза претходно обарете ги додека не омекнат. На секој лист ставете по една голема лажица од смесата и формирајте вкусни и рамномерни сарми од лозов лист.
- Наредете ги во тавче и прелијте со 300 мл млака вода и малку масло за готвење.
- Ставете ги да се печат во претходно загреана рерна околу 60 минути на температура од 180 степени.
- Откако ќе се оладат сервирајте по желба – со јогурт, кисело млеко или павлака.
На здравје!