Соња повторно во акција. Таа денес ни испраќа рецепт за подготовка на пастрмка на охридски начин. Еве што ви е потребно:
Состојки:
- 4 пастрмки
- маслиново масло
- лимон
- лук
- магдонос
Начин на готвење:
- Пастрмките се чистат и се мијат убаво.
- Се сечат на парчиња и се редат во тава на хартија за печење.
- Маринираме со маслиново масло, лимон, лук и магдонос и оставаме да отстои 15 минути.
- Вака подготвени, парчињата пастрмка ги покриваме со хартија за печење и ги ставаме да се печат во рерна околу 15 мин.
- Ја тргаме хартијата одозгора и враќаме во рерна да се пече уште 5 минути на температура од 250 степени.
- Се послужува со печен млад кромпир и салата од блитва и прокељ.
- По желба и со чаша вино 🙂
Добар апетит!