Можете да ја зготвите солена или блага, со крем, џем, плазма… Gotvi.mk препорака за денес е да подготвите палачинка со мед и ореви.
Состојки:
- 400 гр брашно
- 2 јајца
- 1 мала лажича шеќер
- 1/2 мала лажичка сол
- 2 шолји млеко
- 2 шолји вода
- 2 лажичи масло за готвење
- 1 ванилин шеќер
- мед
- ореви
Начин на готвење:
- Во сад за матење ги ставаме брашното, шеќерот, солта, млекото, ванилиниот шеќер и јајцата.
- Со миксер кратко (околу 5 минути) матиме смеса од овие состојки.
- Во садот со добиената густа смеса за палачинки ја додаваме водата и продолжуваме со матење се додека не ја добиеме посакуваната густина.
- Откако смесата е подготвена во неа додаваме масло за готвење и ја оставаме да отстои половина час.
- Палачинките ги пржиме на загреано масло во тава.
Секоја палачинка премачкајте ја со мед и посипете со парчиња ореви.
На здравје!
Прочитај поврзани Gotvi.mk рецепти:
За сите гурмани – Палачинки кватро салами
Американски палачинки по врвен, а едноставен рецепт