Појадокот е најважниот оброк во денот. Хранливиот и вкусен појадок ни дава енергија во текот на целиот ден. Пробајте го овој рецепт за вкусен појадок – лепче со ајвар, таратор и рукола.
Состојки:
- 1 леб
- 1 мала тегла ајвар
- 1 краставица
- 1 кисело млеко
- маслиново масло
- ореви, лук и копар
- рукола
Начин на подготовка:
- Краставиците се лупат и сецкаат на ситни парчиња. Краставицата може и да се изренда.
- Во истиот сад се додава киселото млеко и малку маслиново масло. Состојките се мешаат додека не се добие таратор. По избор може да се додаде истолчен лук, ореви и копар.
- Парчињата леб се редат на рамна чинија. Врз нив се нанесува еден слој ајвар.
- Врз ајварот рамномерно нанесете од тараторот.
- Одозгора украсете со цели или сечкани ливчиња рукола.
На здравје!